આંધ્રપ્રદેશના કૃષ્ણા જિલ્લામાં એક એન્જિનિયરિંગ કોલેજની ગર્લ્સ હોસ્ટેલના વૉશરૂમમાં છુપાયેલ કૅમેરો મળી આવતાં હોબાળો થયો હતો અને વીડિયો વાયરલ થયો હતો. આ અંગે વિદ્યાર્થીનીઓએ વિરોધ કર્યો હતો. આંધ્રપ્રદેશના મુખ્યમંત્રી એન ચંદ્રબાબુ નાયડુએ આ મામલે તપાસના આદેશ આપ્યા છે. આ ઘટનાના સંદર્ભમાં કેસ નોંધવામાં આવ્યો છે અને અંતિમ વર્ષના વિદ્યાર્થીની પણ અટકાયત કરવામાં આવી છે.વિદ્યાર્થીઓના જણાવ્યા અનુસાર, બોયઝ હોસ્ટેલમાં 300 થી વધુ વીડિયો રેકોર્ડ કરવામાં આવ્યા હતા અને વાયરલ કરવામાં આવ્યા હતા.
ગુડલાવલેરુ કોલેજ ઓફ એન્જિનિયરિંગની કેમ્પસ હોસ્ટેલની અંદર રાખવામાં આવેલો કેમેરો એક વિદ્યાર્થીને મળી આવ્યો હતો, જેના પગલે વિદ્યાર્થીઓએ ગુરુવારે રાત્રે વિરોધ કર્યો હતો. તેઓએ કેમ્પસમાં વિદ્યાર્થીઓની સલામતી અને ગોપનીયતા અંગે ગંભીર ચિંતા વ્યક્ત કરી હતી અને "અમને ન્યાય જોઈએ છે" જેવા નારા લગાવતા અને છુપાયેલા કેમેરા પાછળના લોકો અને વીડિયો વાયરલ કરવામાં સામેલ લોકો સામે કડક કાર્યવાહીની માંગ કરી હતી.
A hidden camera has been reportedly found inside the washroom of a girls' hostel in Andhra Pradesh's Krishna district.
The hostel was for the students of SR Gudlavalleru Engineering College, where massive protests have now erupted.
The police have identified the accused as… pic.twitter.com/Pebp1ZEl6d
— Vani Mehrotra (@vani_mehrotra) August 30, 2024
અંતિમ વર્ષના વિદ્યાર્થી પર આરોપ
વિરોધ વચ્ચે, પોલીસ બોલાવવામાં આવી હતી અને એન્જિનિયરિંગના અંતિમ વર્ષના વિદ્યાર્થીની અટકાયત કરવામાં આવી હતી. કેમેરો લગાવવામાં તે સામેલ હોવાનું માનવામાં આવે છે. અધિકારીઓના જણાવ્યા અનુસાર, વિદ્યાર્થીની ઓળખ જાહેર કરવામાં આવી નથી અને વધુ તપાસ ચાલી રહી છે.જો કે, કોલેજ પ્રશાસને દાવો કર્યો હતો કે ગર્લ્સ હોસ્ટેલમાં કોઈ છુપાયેલા કેમેરા મળ્યા નથી અને કહ્યું કે તેઓ પોલીસ તપાસમાં સહકાર આપી રહ્યા છે. તેમણે કેમ્પસમાં વધારાના સુરક્ષા પગલાં લેવાનું પણ વચન આપ્યું હતું.વિરોધ ચાલુ રહેતા ક્રિષ્ના જિલ્લા કલેક્ટર ડીકે બાલાજી અને એસપી ગંગાધર રાવ સાથે કોલેજ પહોંચી હતી.
