કાપોદ્રા થી રચના રોડ ઉપર મોટી ડ્રેનેજ નુ ઢાંકણ તૂટી ગયાંના સમાચાર મળતા આમ આદમી પાર્ટીના વોર્ડ નં. 4 ના કોર્પોરેટર સેજલબેન માલવિયા તાત્કાલિક ઘટના સ્થળે ગયાં હતાં. આ મુદ્દે સેજલબેન માલવિયાએ જણાવ્યું હતું કે, ત્રણ ચાર દિવસ થી વરાછા ઝોનના અધિકારીને ફરિયાદ કરવા છતાં પણ કોઈ અધિકારી કે કર્મચારીઓને રીપેરીંગ કરવામાં રસ નથી તેવું સ્પષ્ટ જણાઈ આવ્યું હતું. આટલા ઊંડા ખાડામાં કોઈ પડે અને જાનહાની થાય તો શું મહાનગરપાલિકા આની જવાબદારી લેશે તેવો સીધો પ્રશ્ન પાલિકા પ્રશાસન પર લગાવ્યો હતો.સ્થળ પરથીજ સેજલબેને અધિકારીઓને ફોન કરતા તાત્કાલિક તે કુંડીને બેરીકેટ કરવામાં આવી હતી અને રીપેરીંગની કામગીરી હાથ ધરવામાં આવી હતી.
